Me pēhea au te matatau

Me pēhea au te matatau

reo-goals4-v4.png

Hei aha māku Te Wiki o te Reo Māori

Ko tā te tangata matatau he kōrero Māori, kāore pea i tua atu, i tua mai i tērā, heoi anō he mea nui te whakatauira i te āhua o te tangata matatau ki te reo hei whakatenatena anō i te tangata kia whai mai i tāu e whakatauira mai nei.  Whai kia eke tō reo mā te whakarākei tō reo ki te whakataukī, te kīwaha, te kōrero ā-hapū, ā-iwi hoki.

Heoi anō tāu he tautoko he āwhina i te hunga e ako tonu ana, e hiahia ana te ako rānei, e whakapau kaha noa iho ana rānei kia puta ētahi kupu Māori ruarua noa iho i a ia, me tautoko me whakanui. Whakapakari anō hoki i ērā i runga kē i te huarahi kia eke panuku, kia eke tangaroa, hei oranga māna, ka mutu, hei oranga māu, mā tātou anō hoki

 

Ko te reo Māori kia tika, kia rere, kia Māori

Iri mārō | He kōrero mō te hiakai
E kore rawa i iri mārō te manawa i te kaha whiua o tahua roa | E kore rawa te tangata e hiakai i te nui o te kai i horahia

Tirohia te rauemi Kōrero Kawhe i konei – kātahi te taputapu pai mā te tangata e ako ana i te reo. Tuku atu ki ōu hoa ki tō whānau hei whakakipakipa anō i a rātou kia whakapiri mai ki tā tātou kaupapa nui whakaharahara nei

Ako

Anei ētahi kōrero, kīwaha mai, whakataukī mai kīanga noa iho mai

Me pēhea te reo Māori e ora ai?  Mā te kōrero, mā te kōrero, mā te kōrero | How will the Māori language flourish? Simply by being spoken

 

He kōkōmuka tū tara-ā-whare | He tangata, he wahine rānei me uaua ka puta, he noho tonu ki te kāinga

 

He taonga nui te tūpato | Fools rush in where Angles fear to tread

 

Kei tua o kapenga e haere ana | Kāore e taea te kōrero i te pai o ngā mahi

 

Kia mau ki te aka matua, kei mau ki te aka taepa | Be astute in your choice of paths to follow

 

Piere nuku | He uaua

 

Ki tua atu

He mahi, he mahi mai i ngā pukapuka o ngā kura reo mai i ngā tau rua tekau neke atu o mua.  Hei whakamātau i a koe anō
Tirohia ngā ngahau reo Māori 30

Horahia te reo

Kimihia ngā hoa kōrero Māori.  Haria rānei o hoa, tō whānau rānei e ako ana ki tētahi wharekai, aha atu rānei kia noho tahi, kōrero tahi ai koutou. Kōrero mō ngā take o te wā.  Āwhina i a rātou ki te whakawhānui i te kōrero.  
Whakarite he kauhau, he hui, he whakatairanga rānei hei wāhi kauhau i ngā painga o te reo, he kauhau i roto rānei i te reo.

Kupu

He nui ngā rārangi kupu Māori kei te ipurangi, anei tētahi o aua rārangi e kīia ana koinei ngā kupu e kaha whakamahia ana kotahi mano kupu - Rārangi kupu Kaha Whakamahia ana
Ako kīwaha ki te ipurangi
Tirohia He Pātaka Kupu ki te ipurangi

Whakarongo

Mātaki i te Whakaata Māori, ko te tino mā te tangata kōrero Māori ko Ako
Whakarongo ki te Reo Irirangi Māori, haere ki Te Ara Māori Music patohia Māori music ki roto ki Youtube kia mirimiria ō taringa ki ngā waiata reo Māori ki runga Youtube
Whakarongo ki ngā kauhau i runga Digital NZ, me Ngā Taonga Sound and Vision

Pānui

Pānui i ngā Niupepa o Neherā
Pānuitia ngā pukapuka i Digital NZ ki Te Puna Mātauranga-National Library ki runga ipurangi hoki, he puna hohonu o ngā kōrero o nehe.
Pānui i ngā kōrero te reo Māori ā-whānau, ā-hoa rānei. Tirohia te kōrero i Digital NZ Te Wiki o te Reo Māori story.

He ara ki tua

Kei te kimi mahi koe e taea ai to reo Māori te whakamahi? E hia kē ngā mahi, haere ki te paetukutuku o te Careers NZ, kātahi ngā tino utauta hei āwhina i a tangata ki te whai mahi, tini mahi rānei kaua e moumou reo, whakamahi, whakanuia! 

Mātauranga

E hiahia ana ki te whakapakari anō i tō reo, he nui ngā huarahi i te ao mātauranga, tirohia ngā wāhi pērā i Te Ataarangi, Ngā Whare Wānanga, Ngā Wānanga Māori, Ngā Kuratini. Whāia tēnei hononga