Me pēhea au te matatau

Me pēhea au te matatau

reo-goals4-v5.png

Hei aha māku Te Wiki o te Reo Māori

Ko tā te tangata matatau he kōrero Māori, kāore pea i tua atu, i tua mai i tērā, heoi anō he mea nui te whakatauira i te āhua o te tangata matatau ki te reo hei whakatenatena anō i te tangata kia whai mai i tāu e whakatauira mai nei.  Whai kia eke tō reo mā te whakarākei tō reo ki te whakataukī, te kīwaha, te kōrero ā-hapū, ā-iwi hoki.

Heoi anō tāu he tautoko he āwhina i te hunga e ako tonu ana, e hiahia ana te ako rānei, e whakapau kaha noa iho ana rānei kia puta ētahi kupu Māori ruarua noa iho i a ia, me tautoko me whakanui. Whakapakari anō hoki i ērā i runga kē i te huarahi kia eke panuku, kia eke tangaroa, hei oranga māna, ka mutu, hei oranga māu, mā tātou anō hoki

 

Ko te reo Māori kia tika, kia rere, kia Māori

E koekoe te tūī, e ketekete te kākā, e kūkū te kererū | By appreciating all our voices, our different songs, we make good music for the future
Tirohia tēnei rauemi waiwaiā a Kia Kaha te Reo Taiao he mea waihanga i te taha o Te Papa Atawhai
Ako

I te taenga mai o te Māori ki Aotearoa ka tīmata tana whakamārama i te āhua o tōna taiao hou, tā rātou i kite ai, ko ngā maunga teitei, ko ngā awa, ngā manu me ngā ngāngara, pēpeke.  I roto i te wā ka whānau mai he reo hou - ko te reo Māori - he mea tārai i te taiao o Aotearoa.  Pēnā anō ki te taiao, kei te noho mōrearea nei tō tātou reo.  heoi mā te mārama a te katoa ki tēnei raru, pēnā anō i te taiao, mā te tiaki, mā te mahi e ora mai anō te reo, otirā te taiao. Anei ētahi kōrero, kīwaha mai, whakataukī mai, kīanga noa iho mai.

Ki ngā tīpuna Māori he mea raranga ngā kōrero tātai arorangi ki ngā āhuatanga katoa o te ao. | For the ancestors of Māori, astronomy was interwoven into all facets of life.
He mea tango mai i te pukapuka Matariki Te Whetū Tapu o te Tau nā Rangi Matamua © Rangi Mātāmua 2017. Huia Publishers. Nā Te Heketū Leon Blake ngā kōrero i whakamāori. Ko Pania Papa te kanohi hōmiromiro.

 

kia kitea te waewae tangata | kia awatea

 

Taku hei piripiri, taku hei mokimoki, taku hei tawhiri, taku kati taramea | My clinging necklace, my sweet-scented neck chain, my fragrant gum, my calabash of sweetest scent.

 

Pao te mata | kei wahi ke ngā whakaaro e rere ana

 

Me tangi, ka pa ko te mate i te marama | Let us weep, for this is not the death of the moon

 

he rangi mokopuna | he rangi tino ātaahua rawa atu

 

Ki tua atu


He mahi, he mahi mai i ngā pukapuka o ngā kura reo, Te 'i' me te 'ki' nō ngā tau rua tekau neke atu kua pahure.  Hei whakamātau i a koe anō.
Ia tau ka hangaia e Te Taura Whiri i te Reo Māori ngā rauemi e āwhina i te tangata ki te ako i te reo, whakapakari rānei i tōna reo - ngā rauemi o mua | ngā rauemi o tēnei tau rānei.  
Tirohia ngā ngahau reo Māori 30

Horahia te reo

Kāore pea he wāhi i tua atu i te taiao hei kōrero i tō tātou i runga i ngā kōrero i runga ake nei.  Heoi anō tāu he hari i tō whānau i ō hoa rānei ki te puihi, te ngahere, te moana, ki hea noa iho kōrero Māori ai.  Whāngaia rātou ki te reo rangatira.  Whakamahia te pukapuka taiao ki te whāngai atu i te reo kia rātou.

Kupu

Tirohia ngā pānui whakaahua mō te taiao hei iri ki tō whare ki hea atu rānei hei tirohanga mā te hunga hiakai ki te reo.
Kua puta he taupānga hou i a Spark rāua ko Te Aka, ko te ingoa ko Kupu. Heoi anō tāu he tango whakaahua, kātahi ka puta mai te ingoa Māori o taua mea ki runga i te whakaahua, ka mau te wehi.
Ngā Tikanga Tuhi Reo Māori he PDF tēnei o ngā ture reo Māori
He nui ngā rārangi kupu Māori kei te ipurangi, anei tētahi o aua rārangi e kīia ana koinei ngā kupu e kaha whakamahia ana kotahi mano kupu - Rārangi kupu Kaha Whakamahia ana
Ako kīwaha ki te ipurangi
Tirohia He Pātaka Kupu ki te ipurangi

Whakarongo

Tirohia ngā ataata i hangaia ai e Te Taura Whiri mō Te Wiki o te Reo Māori
Mātaki i te Whakaata Māori, ko te tino mā te tangata kōrero Māori ko Ako
Matakitaki hoki i te Reo Town he mea i hangaia mō Te Wiki o te Reo Māori
Whakarongo ki te Reo Irirangi Māori, haere ki Te Ara Māori Music patohia Māori music ki roto ki Youtube kia mirimiria ō taringa ki ngā waiata reo Māori ki runga Youtube
Whakarongo ki ngā kauhau i runga Digital NZ,
Whakarongo ki ngā wāhanga nō ngā Whaikōrero o ngā tau 1950, 1960 Ngā Taonga Sound and Vision

Pānui

Pānui i ngā Niupepa o Neherā
Pānuitia ngā pukapuka i Digital NZ ki Te Puna Mātauranga-National Library ki runga ipurangi hoki, he puna hohonu o ngā kōrero o nehe.
Pānui i ngā kōrero te reo Māori ā-whānau, ā-hoa rānei. Tirohia te kōrero i Digital NZ Te Wiki o te Reo Māori story.

Waiata | Song

He reka rawa atu ētahi o ngā waiata i runga i YouTube anei tētahi o aku tino, whakarongo mai ki a Rānea me Aio
Nei hei whakarongo māu ko te Kapa Haka ki runga Whakaata Māori

He ara ki tua

Kei te kimi mahi koe e taea ai to reo Māori te whakamahi? E hia kē ngā mahi, haere ki te paetukutuku o te Careers NZ, kātahi ngā tino utauta hei āwhina i a tangata ki te whai mahi, tini mahi rānei kaua e moumou reo, whakamahi, whakanuia! 

Mātauranga

E hiahia ana ki te whakapakari anō i tō reo, he nui ngā huarahi i te ao mātauranga, tirohia ngā wāhi pērā i Te Ataarangi, Ngā Whare Wānanga, Ngā Wānanga Māori, Ngā Kuratini. Whāia tēnei hononga

 

Haere ki te whakamātautau