Me pēhea au te matatau

Me pēhea au te matatau

reo-goals4-v5.png

Hei aha māku Te Wiki o te Reo Māori

Ko tā te tangata matatau he kōrero Māori, kāore pea i tua atu, i tua mai i tērā, heoi anō he mea nui te whakatauira i te āhua o te tangata matatau ki te reo hei whakatenatena anō i te tangata kia whai mai i tāu e whakatauira mai nei.  Whai kia eke tō reo mā te whakarākei tō reo ki te whakataukī, te kīwaha, te kōrero ā-hapū, ā-iwi hoki.

Heoi anō tāu he tautoko he āwhina i te hunga e ako tonu ana, e hiahia ana te ako rānei, e whakapau kaha noa iho ana rānei kia puta ētahi kupu Māori ruarua noa iho i a ia, me tautoko me whakanui. Whakapakari anō hoki i ērā i runga kē i te huarahi kia eke panuku, kia eke tangaroa, hei oranga māna, ka mutu, hei oranga māu, mā tātou anō hoki

 

Ko te reo Māori kia tika, kia rere, kia Māori

rourou iti | kete iti
Kia kī ki te rourou iti a haere | he kōrero mō te hoatu kai ki te tangata haere - arā, kia kīia ai tana kete iti ki te kai, he whakaaro nui ki te tangata
 

Tirohia te rauemi Buy your Tīkiti in Māori i konei

Ako

Anei ētahi kōrero, kīwaha mai, whakataukī mai, kīanga noa iho mai

E kore e ngaro, he takere waka nui | E kore tātou e ngaro
 
Te hia kore kē nei | It surprises me, it's a wonder (te hia kore kē nei e takoki te waewae) it would not surprise me should she sprain her ankle

 

He aha mōu mō te kotahi? | He aha te mahi ka taea e te tangata me tōna kotahi?

 

He kūkū ki te kāinga, he kākā ki te haere | A pigeon at home, a noisy parrot on his travels

 

Nāu i whatu te kākahu, he tāniko tāku | He mahi whai hua āu, heoi anō tāku he whakanikoniko noa iho

 

Ka whakataka manawa | Ka ngā, whakangā rānei

 

Ki tua atu

He mahi, he mahi mai i ngā pukapuka o ngā kura reo, Te 'i' me te 'ki' nō ngā tau rua tekau neke atu kua pahure.  Hei whakamātau i a koe anō.
Ia tau ka hangaia e Te Taura Whiri i te Reo Māori ngā rauemi e āwhina i te tangata ki te ako i te reo, whakapakari rānei i tōna reo - ngā rauemi o mua | ngā rauemi o tēnei tau rānei.
Tirohia ngā ngahau reo Māori 30

Horahia te reo

Haere koutou ko tō whānau, ō hoa rānei mō te hāereere haere mā runga tereina, wakarererangi aha atu, whakawhānui ake i tō taiao kōrero Māori.

Kupu

Ngā Tikanga Tuhi Reo Māori he PDF tēnei o ngā ture reo Māori
He nui ngā rārangi kupu Māori kei te ipurangi, anei tētahi o aua rārangi e kīia ana koinei ngā kupu e kaha whakamahia ana kotahi mano kupu - Rārangi kupu Kaha Whakamahia ana
Ako kīwaha ki te ipurangi
Tirohia He Pātaka Kupu ki te ipurangi

Whakarongo

Mātaki i te Whakaata Māori, ko te tino mā te tangata kōrero Māori ko Ako
Whakarongo ki te Reo Irirangi Māori, haere ki Te Ara Māori Music patohia Māori music ki roto ki Youtube kia mirimiria ō taringa ki ngā waiata reo Māori ki runga Youtube
Whakarongo ki ngā kauhau i runga Digital NZ,
Whakarongo ki ngā wāhanga nō ngā Whaikōrero o ngā tau 1950, 1960 Ngā Taonga Sound and Vision

Pānui

Pānui i ngā Niupepa o Neherā
Pānuitia ngā pukapuka i Digital NZ ki Te Puna Mātauranga-National Library ki runga ipurangi hoki, he puna hohonu o ngā kōrero o nehe.
Pānui i ngā kōrero te reo Māori ā-whānau, ā-hoa rānei. Tirohia te kōrero i Digital NZ Te Wiki o te Reo Māori story.

Waiata | Song

Nei hei whakarongo māu ko te Kapa Haka ki runga Whakaata Māori

He ara ki tua

Kei te kimi mahi koe e taea ai to reo Māori te whakamahi? E hia kē ngā mahi, haere ki te paetukutuku o te Careers NZ, kātahi ngā tino utauta hei āwhina i a tangata ki te whai mahi, tini mahi rānei kaua e moumou reo, whakamahi, whakanuia! 

Mātauranga

E hiahia ana ki te whakapakari anō i tō reo, he nui ngā huarahi i te ao mātauranga, tirohia ngā wāhi pērā i Te Ataarangi, Ngā Whare Wānanga, Ngā Wānanga Māori, Ngā Kuratini. Whāia tēnei hononga